11.26.2021
11.16.2021
MES DA CIENCIA EN GALEGO NA BIBLIOTECA
No centro este mes e mais parte do que vén, dedicaremos boa parte da actividade a divulgar materiais que temos como fondos na biblioteca e que son ESPECTACULARES.
Promoveremos que o alumnado se achegue a coñecelo e se anime a investigar.
Por outra banda, o noso fanzine científico xa está en marcha e confiamos en que nos quede un número ben xeitosiño. Agardamos a creatividade e o bo facer do noso alumnado.
Animamos tamén a participar no concurso que nos lanzan desde a Deputación da Coruña. Podedes intentalo desde as vosas contas persoais (familias) ou propias se tedes a idade para manexar as vosas propias redes sociais.
INFORMACIÓN SOBRE A CAMPAÑA #AsPalabrasDaCiencia
Parécenos unha boa iniciativa e desde o centro tamén pensaremos en algo!
 |
 |
 |
 |
Ademais, nalgúns grupos xa se están levando a cabo charlas de concienciación ambiental, que promovan que conservemos este paraíso no que vivimos e este medio natural tan marabilloso.
11.12.2021
CARBALLO GALEGO COMO ÁRBORE EUROPEA 2022
Nestes intres, o carballo galego está en primeiro lugar nas votacións (despois de ter sido seleccionado por un xurado experto canda outras once candidaturas de todo o Estado). E temos ata o día 27 de novembro para conseguir, voto a voto, que pase a fase que o situará como representante de España para toda Europa.
Este carballo ten unha gran relevancia, cunha memoria de tres séculos e situado nun bosque de ribeira estratéxico, ten para a nosa cultura e para a nosa historia. Asemade, sería unha boa maneira de difundir a nosa paisaxe atlántica e que as autoridades preserven este ben tan prezado para a nosa cultura e para o medio ambiente.
Este carballo é todo un resistente. Xa era centenario cando por alí paseaba e escribía sobre este lugar Rosalía de Castro. Tamén é o espazo onde, a mediados do século XIX, estudantes e artesáns berraron pola liberdade, a igualdade e a fraternidade.
Por todo isto, animádevos a votar ao carballo galego para que se convirta no gañador e dar a coñecer a nosa paisaxe única.
VOTA AQUÍ e axudarás a preservar e difundir o noso ben mais prezado, a nosa terra!
Se queredes saber máis sobre a historia deste carballo, PREME AQUÍ
11.11.2021
MES DA CIENCIA EN GALEGO
O mes de Novemebro é o dedicado á CIENCIA EN GALEGO e a todas aquelas científicas e científicos que traballaron para conseguir o que hoxe temos.
A ciencia vai mái alá do laboratorio. A observación e a experimentación, pódense levar en distintas disciplinas que teñan como resultado mellorar o noso día a día e a nosa forma de vida. Por eso a ciencia debe ser un BEN prezado, respectado e dinamizado pola sociedade.
Para elo, este mes, intentaremos darlle voz sobre todo ás científicas galegas esquecidas tralos anos, coa creación de pequenas biografías que nos sirvan de inspiración.
Animádevos a achegarvos á Biblioteca e descubrir libros relacionados coa educación científica, e a participar na eavboración do fancine dedicado á Ciencia!
11.05.2021
Exposición “De Amor e de Amigo, as cantigas de Martín de Padrozelos”
Do 5 ao 16 de novembro teremos no instituto unha exposición organizada polo Equipo de Dinamización da Lingua Galega (EDLG) e a Asociación de Periodistas e Estudosos do Camiño de Santiago (APECSA).
Esta exposición intentará achegarnos información sobre a lírica medieval realizada por primeira vez en lingua galega na nosa terra, entre os séculos XI e XII, da man das cantigas de amigo e amor do trobador Martín de Padrozelos.
Os trobadores eran poetas líricos da Idade Media que cantaban as súas composicións nas cortes dos reis, pero tamén nas feiras e mercados da rexión onde se atopaban, como no caso de Galiza. Para a nosa cultura a figura do trobador é moi importante, pois supón os incios da literatura galega.
Atoparedes a exposición no corredor do segundo andar, diante da Biblioteca!
Subscribirse a:
Publicacións (Atom)