23 de febreiro DÍA DE ROSALÍA

Hoxe, 23 de febreiro, celebramos o día dunha das autoras galegas máis especiais, Rosalía de Castro.

O Departamento de Lingua Galega leva unhas semanas realizando diferentes actividades e propostas de achegamento á obra rosaliana e, coma cada ano, trataremos de que a figura de Rosalía sexa coñecida nas múltiples perspectivas que ten.

ENTROIDO 2022

Este ano 2022  Entroido no Urbano Lugrís!

Esta é unha celebración ben tradicional na Galiza, a cal sempre vai acompañada dunha boa degustación gastronómica, como debe ser: orellas, filloas, cocido con cachucha...

Mais o que tamén agardamos cada ano é o momento de poder disfrazarnos, facer unha parodia da vida cotiá, ou simplemente tomarnos un descanso e relaxar o noso código de vestimenta.

Por este motivo, e a pesares das restricións covid, que nos impide facer un auténtico concurso de comparsas, o EDLG propón celebrar o entroido cun concurso de disfraces, grupal ou individual, para celebrar o 25 de febreiro como é debido.

Asemade, esa semana, a do 22 ao 25 de febreiro teremos que cumprir os mandadiños do Lugrís. Unha serie de mandados que nos dirán que debemos traer posto dende o martes ata o xoves.

Animádevos a participar no concurso, a vir disfrazados o venres 25 e a cumprir os mandadiños do Lugrís!!

Fagamos do entroido algo especial no Urbano Lugrís de Malpica!