Combinamos aquilo de que unha imaxe vale máis que mil palabras e deixámosvos as bases para o concurso FALEMOS + GALEGO. Animádevos a participar e recordade que, fóra da fase inicial no noso centro, poderedes chegar a competir con outras propostas de centros da Costa da Morte e asistir á gala final de premios!
.png)
.png)
O día de Rosalía non podiamos deixalo pasar sen traballar a figura da nosa autora de referencia.
Rapaces e rapazas achegáronse á súa figura desde diferentes perspectivas e dun xeito máis lúdico, por unha banda, e máis reflexivo pola outra.
Os grupos de 1º de ESO revisaron a bibliografía para atopar os versos que máis os convencían para formar un alfabeto rosaliano que temos exposto no corredor. Quedoulles ben xeitoso e os versos moi acaídos.
Podedes ver o resultado se clicades aquí.
Os grupos de 2º de ESO foron a fondo coas flores, un dos símbolos máis rosalianos e que aparecen esparexidas por toda a súa obra. Máis tarde seguro que aprenderán tamén a saber da súa relevancia simbólica, pero o primeiro paso está dado.
Se queredes botarlle un ollo, podedes facelo clicando aquí.
Por último, o grupo de 3º, que xa é experto en Rosalía porque é unha das autoras máis traballadas nas aulas de lingua e literatura, puxeron a escritora en contexto e intentaron ofrecernos unha imaxe cunha perspectiva moito máis madura e crítica. Rosalía non foi chorona, non foi feble, non se dedicou a cantarlles ás flores e ás pombas, senón que lle deu voz á opresión, á inxustiza, á desigualdade social, á política contemporánea...
Se queredes ver os seus carteis, que están tamén expostos no corredor do centro, podedes clicar aquí.
 |
| Un dos exlibris que saíron |
 |
| Isa explicando como comezar |
No Nadal houbo bastante actividade na biblio, nas titorías e no EDLG.
Por unha banda, continuamos coa actividade dos bos desexos, cunha caixa que recolleu as tarxetas, postais, notiñas e todo aquilo que o alumnado foi escribindo para entregar e recibir canda os boletíns de cualificacións do primeiro trimestre. Porque as noticias, boas ou malas, sempre deben ir canda os bos desexos que proxectan as nosas amizades, compañeiros e compañeiras, profes... a xente estímanos independentemente das notas que levemos e iso non podemos deixar de sabelo.
Por outra banda, desde as titorías traballaron arreo e houbo unhas propostas plásticas de decoración no centro que subiron o nivel con respecto a outros anos pero moitísimo.
Gañou o grupo de 2º, que traballou unido, e seguíronos os de 1º, que tamén deixaron a imaxinación e o esforzo na súa porta. Moi merecido ese premio que consiste nunha cesta de merendas que poderán gozar na hora que eles escollan para festexar este éxito.
Deixámosvos algunhas fotos do "como se fixo" e se queredes ver como quedaron finalmente, tedes toda a galería no noso Instagram.
 |
| A corte dos renos! |
 |
| Quedou sen agasallos! |
 |
| O grinch roubón |
 |
| Redecoráronnos o insti! |
 |
| Reciclar era unha premisa! |
 |
| Se vedes como quedou, alucinades! |