O panorama musical do pop en galego está revolucionado por todas as novas voces que están entrando con forza. Xente nova, xente con forzaaaaa!!!!
Para esta semana recomendamos escoitar unha playlist que nos ten namoradas e namorados, todas da factoría de Berto, que é produtor de todas elas. Escoitade, escoitade... e xa nos contaredes!
prodXBertoEste curso temos moitos compañeiros e moitas compañeiras neofalantes (que están aínda aprendendo o galego) e outros e outras que practicamente acaban de aterrar na nosa vila desde as súas respectivas cidades e vilas de orixe.
Sabemos que aquí hai xente acolledora que pode facer unha función determinante para o bo desenvolvemento e a consecución dun obxectivo de integración, así que buscamos paleofalantes para que sirvan de guía.
Que é un paleofalante? Calquera persoa que domina a lingua porque é a súa lingua materna, así que vos temos a moitos e a moitas para poder repartir o tempo de ocio.
Que tería que facer? Se es neofalante, anotarte como candidato a ter compañía galegofalante que te axudará a que te soltes e vaias avanzando. Se es paleofalante, ofrecer o teu tempo (ti disnos cando estarías disposto ou disposta a acompañar -recreos, efemérides, nalgún club en que esteas anotado...) e nós xa cruzamos datos para facilitar a xuntanza.
Algún día trataremos de facer algunha xuntanza festiva de paleos e neos colaboradores, cunha merendiña de recreo! Animádevos, porque xuntos e xuntas facemos comunidade!
Este curso temos moita gana de facer cousiñas e xa que os protocolos van relaxando, por fin podemos volver ter opción de facer o que nos gusta, vivir e facelo en galego.
Porque aquí a lingua da maioría da xente nova é o galego, pero como dixo Manolo Maseda, podemos ser axentes irradiadores, sementemos a lingua alá onde vaiamos e fagamos o que fagamos.
Polo tanto, este curso trataremos de saír das portas do IES e achegarnos a outras paraxes que precisen da nosa animosidade e queremos contar tamén coa comunidade: familias, asociacións, rapaces e rapazas da Primaira... como di o Xabarín, somos máis de mil, e temos que ser cen mil!!!
Anótate!!!!
Polo 8 de marzo, Día da Muller Traballadora, no IES Urbano Lugrís quixemos facer a nosa particular homenaxe ás mulleres que inspiran as nosas vidas.
O alumnado elaborou carteis das mulleres que loitaron por conseguir os mesmos dereitos que os homes, respeto e igualdade, ben coas súas reivindicacións o cos seus actos do día a día. Tamén mulleres científicas, escritoras, matemáticas... que foron esquecidas, silenciadas e menosprezadas pola sociedade patriarcal. É hora de lles recoñecer o seu labor e que sirvan de inspiración ás novas xeracións.
Mais a rapazada tamén lle quixo dedicar atención ás mulleres da súa familia, nais, avoas, irmás... que de un modo ou outro serven de exemplo e apoio para o noso alumnado.
Sigamos educando en igualdade para conseguir unha sociedade XUSTA E IGUALITARIA.
Hoxe, 23 de febreiro, celebramos o día dunha das autoras galegas máis especiais, Rosalía de Castro.
O Departamento de Lingua Galega leva unhas semanas realizando diferentes actividades e propostas de achegamento á obra rosaliana e, coma cada ano, trataremos de que a figura de Rosalía sexa coñecida nas múltiples perspectivas que ten.
.jpg)
.jpg)
A mellor árbore de España resultou ser o enorme carballo de máis de 250 anos de idade do Bosque do Conxo, en Santiago de Compostela. Grazas á participación no concurso, esta árbore agora é a candidata española para escoller a árbore europea do ano 2022.
Entre o 1 e o 28 de febreiro vai ter lugar unha votación para elixir a árbore europea do ano, unha acción que impulsa o organismo Bosque Sin Fronteras co apoio do Goberno de España.
Na seguinte ligazón poderás votar a partires do 1 de febreiro á nosa árbore!!