Regueifamos moito e regueifamos ben, porque Lupe é unha crac e contaxia co seu entusiasmo e coa súa boa onda, porque a quen non lle gusta unha boa batalla de galos? E ela consegue conectar coa rapazada a través diso. Pasámolo moi ben e, ademais, aprendemos unha chea e estamos listas e listos para participar na Liga da Regueifa da Costa da Morte. Alá imos!
 |
 |
O luns día 20 teremos un obradoiro de regueifa con Lupe Gómez, financiado polo Concello de Malpica e de aí confiamos en sacar bos regueifeiros e boas regueifeiras para participar este curso, xunto con outros institutos da Costa da Morte na Liga de Regueifa.
Como o vedes, pensades que estades listos e listas para esas pelexas de galos elevadas ao máximo nivel?
 |
O Equipo de Dinamización da Lingua xa está en marcha e ten pensadas unhas cantas actividades para dinamizar a vida no centro, por suposto, en galego.
Que vos parece formar parte dese equipo que consegue que a vida diaria funcione na nosa lingua? Como vedes colaborar a facer campañas que afecten tamén a nosa contorna? Queredes axudar a que alumnos e alumnas que non teñen oportunidade de facer a súa vida diaria en galego conten con esa oportunidade?
Pois fala con Luz, que está organizando a xente e as reunións para poder trazar as estratexias mellores!
 |
Como cada 30 de xaneiro, tivo lugar no noso centro a conmemoración do Día Escolar da Non Violencia e a Paz.
No recreo, procedeuse á lectura dun manifesto redactado na materia de Oratoria polo alumnado de 3º ESO e cantouse a canción Color esperanza. Ademais, na entrada realizouse unha exposición coas pombas de papel que se realizaron nas titorías.
Parabéns a toda comunidade educativa polo traballo realizado!
