TÍRALLE DA LINGUA

Este ano o Tíralle da lingua estivo máis concorrido ca nunca, tanto que, de celebrarse no teatro principal tivo que trasladarse ao palacio de congresos, onde se desdobrou en diferentes categorías.

Paula con Roberto antes de saír.

Xa en plena narración!

O XVIII Concurso de Relato Oral 'Tíralle da Lingua', organizado pola Asociación Socio-Pedagóxica Galega trata de incentivar e normalizar o uso oral da lingua galega e organízase en tres categorías, que responden aos niveis académicos de primaria, primeiro ciclo de ESO e 4º de ESO e Bach.





Nós tamén acudimos ao certame para acompañar a nosa representante Paula, de 4ºESO que levaba ensaiando un tempo e que xa nos mostrara parte da súa destreza diante do público durante o magosto.
As rapazas de rapaces do equipo de dinamización foron ata Compostela para animala enriba do escenario.
Paula fíxoo moi ben e, aínda que a competencia era moi dura, mostrou que en Malpica haiche moi boas contadoras.
Ao final gañaron os representantes de Caldas, mais a xornada foi divertida e pagou moito a pena compartir con outras compañeiras esta experiencia. Grazas Paula pola valentía de poñerte diante de tanta xente a narrar!

A CANCIÓN DO MES DE NOVEMBRO

As compañeiras e compañeiros do Equipo de Dinamización seleccionaron tres cancións para representar o mes de novembro. Mais neste concurso, só unha delas pode ser a vencedora. Escóitaas e déixanos o teu voto ao final!

Muiñeira vella de Seaia, interpretada por Leilía

Quérote máis, O Sonoro Maxín

Sés, Concordias de papel

Por cal vas votar?

A CANCIÓN DO MES

O POEMA DO MES

O alumnado do club de lectura de poesía seleccionou tres poemas para propoñelos como o poema do mes de novembro.
Animámoste a que entres na seguinte ligazón, os leas con calma e os valores. Ademais, estaríamos encantadas de que propuxésedes algún outro título para os próximos meses.
Por unha vida chea de poesía...

VOTA POLO POEMA DO MES